Presidenti i SHBA-ve, Donald Trump, deklaroi në konferencën e përbashkët me homologun e tij francez, Emmanuel Macron, se lufta në Ukrainë mund të përfundojë brenda disa javësh nëse tregohen të zgjuar.
“Unë mendoj se lufta në Ukrainë mund të përfundojë së shpejti, brenda disa javësh, nëse veprojmë me zgjuarsi. Nëse nuk jemi të zgjuar, do të vazhdojë…ne nuk e duam këtë. Mos harroni atë që thashë, kjo mund të përshkallëzohet në një luftë të tretë botërore, ne nuk e duam as atë”, deklaroi Trump nga zyra Ovale në konferenvcëne përbashkët me Macron.
Kujtojmë se presidenti francez Emmanuel Macron shkoi sot në Shtëpinë e Bardhë për bisedime me Presidentin e SHBA-së, Donald Trump në përvjetorin e tretë të pushtimit rus në Ukrainë, raporton BBC.
Më herët, presidenti ukrainas Volodymyr Zelensky tha “ne shpresojmë që mund ta përfundojmë këtë luftë këtë vit”.
“Por Ukraina ka nevojë për garanci sigurie për të parandaluar kthimin e Moskës, paralajmëroi”, tha Zelensky, duke sugjeruar se anëtarësimi në BE dhe NATO “do të e ndihmonte Ukrainën.
Por Rusia ka kundërshtuar vazhdimisht idenë e anëtarësimit të Ukrainës në NATO.
Ndërkaq Zelensky tha veçmas se një marrëveshje paqeje me Rusinë mund të fillojë me një shkëmbim “të plotë” të pengjeve të luftës.
