Tregjet amerikane u rritën të mërkurën pasi Presidenti Donald Trump njoftoi një pauzë në disa prej tarifave ‘reciproke’, duke bërë që një treg që ka qenë nën presion ekstrem javën e fundit të marrë frymë.
S&P 500 u rrit me 8.46%, me ritmin e fitimit më të madh njëditor në pesë vjet. Dow Jones Industrial Average avancoi 7.39%, gjithashtu fitimi më i madh që nga viti 2020. Nasdaq Composite u rrit me 9.7%. Nivele ditore këto më të lartat në 5 vitet e fundit.
“Kam autorizuar një pauzë 90 ditore dhe një tarifë reciproke të ulur ndjeshëm gjatë kësaj periudhe, prej 10%, gjithashtu në fuqi menjëherë”, postoi Trump në faqen e tij “Truth Social”. Trump, në të njëjtin postim, tha se po rrit tarifën ndaj Kinës në 125%.
Sekretari i Thesarit Scott Bessent më vonë sqaroi se të gjitha vendet përveç Kinës do të kthehen në tarifën bazë prej 10% ndërsa negociatat të zhvillohen.
Pauza nuk do të zbatohet për tarifat e sektorit, tha Bessent. Stoqet që pësuan shumë presion nga tensionet e luftës tregtare çuan në rritje të madhe të mërkurën.
Apple dhe Nvidia u rritën me më shumë se 11% dhe 13%, respektivisht. Aksionet e Walmart u rritën me 9.7%. /CNBC
