Presidenti Donald Trump ka shkarkuar prapritur nga detyra Gjeneralin e Forcave Ajrore, njëkohësisht dhe Kryetar i Shtabit të Përgjithshëm CQ Brown Jr., në kuadrin e lëvizjeve për të larguar nga strukturat drejtuese të forcave të armatosura drejtuesit ushtarakë që mbështesin lëvizjen për barazi dhe shumëllojshmëri në radhët e tyre.
CQ Brown Junior është Gjenerali i dytë me prejardhje amerikano-afrikano që ka shërbyer në radhët amerikane si shef i shtabit, ndërsa shkarkimi i tij shihet si një goditje e rëndë për Pentagonin.
“Dua të falënderoj gjeneralin Charles ‘CQ’ Broën për shërbimin e tij mbi 40 vjeçar në vendin tonë, duke përfshirë edhe si Kryetar aktual të Shefit të Shtabit të Përbashkët. Ai është një zotëri i shkëlqyer dhe një lider i shquar dhe uroj një të ardhme të shkëlqyer për të dhe familjen e tij”, ka postuar Trump në rrjetet sociale.
Në vend të tij, Trump pritet të emërojë Gjeneralin e Forcave Ajrore Dan “Razin” Caine për të qenë Kryetari i ardhshëm i Shtabit të Përgjithshëm. Caine është një pilot i karrierës së F-16, i cili shërbeu në detyrë aktive dhe në Gardën Kombëtare, dhe së fundmi ishte drejtor i asociuar për çështjet ushtarake në CIA, sipas biografisë së tij ushtarake.
Shërbimi ushtarak i Caine përfshin role luftarake në Irak, postime të operacioneve speciale dhe pozicione brenda disa prej programeve më të klasifikuara të hyrjes speciale të Pentagonit.
