Detaje të reja janë zbardhur lidhur me hetimet që ka zhvilluar SPAK për ish-deputetin socialist Jurgis Çyrbja, i cili u vu në pranga mbrëmjen e kësaj të diele.
Ish-deputeti që dha dorëheqjen nga mandati i tij në datën 9 tetor, dyshohet se është përdorues i aplikacionit SKY dhe bashkëpunëtor me disa personazhe të një grupi kriminal në Durrës.
Bashkë me Jurgisin në pranga përfundoi dhe një tjetër person, ndërsa policia po vijon kërkimet për gjetjen e një tjetër shtetasi të shpallur në kërkim Arrestimi i zyrtarit socialist u bë nga hetuesit e Byrosë Kombëtare të Hetimit dhe Policia, pasi Gjykata e Posaçme kishte këshuar një masë arresti me burg në mungesë, shkruan Iliria News.
Akuzat që prokurorët i kanë ngarkuar Jurgis Çyrbjas lidhen me tre vepra të rënda penale, “Korrupsioni aktiv në zgjedhje”, “Përkrahja e autorit të krimit” dhe Tregtimi i sekretit shtetëror nga shtetasit”.
Kujtojmë se ky arrestim nuk ka ardhur për akuzat që SPAK i përcolli disa ditë më parë Çyrbjas, që lidheshin me ‘shpërdorim detyre’ në 4 raste duke deklaruar 25 mijë metra katrorë tokë me më shumë se një pronar në Rrashbull të Durrësit. Ky hetim ndaj tij lidhej me postin e drejtorit të hipotekave në këtë qytet, një detyrë që e mbajti deri në 2017 kur edhe mori mandatin e parë në parlament.
Në vitin 2021 ishte deputeti Edi Paloka që e kallëzoi Çyrbjan për shpërdorim detyre, por ai i mohoi akuzat asokohe.
