Një ngjarje tragjike ka ndodhur në zonën e Haradarës, në Preveli të Kretës, ku një çift turistësh amerikanë ka rënë në një greminë. Fatkeqësisht burri humbi jetën në moment, ndërkohë që partnerja e tij një grua 33-vjeçare, mori plagë të rënda në kokë dhe gjoks. 33-vjeçarja ishte shtatëzënë, por fatkeqësish e ka humbur fëmijën pas plagëve të rënda që ka marrë, ndërsa vetë ndodhet në gjendje kritike për jetën.Turistja po trajtohet aktualisht në spitalin e Chanias, ku, për shkak të gjendjes së saj të rënduar, familjarët kanë marrë vendimin për dhurimin e organeve nëse nuk ka më mundësi për shpëtim.
Operacioni i shpëtimit, për shkak të terrenit të vështirë ka zgjatur rreth 4 orë. Megjithë përpjekjet e mëdha të ekipit të shpëtimit, ngjarja ka përfunduar me tri viktima.
