Zinédine Zidane raportohet se ka arritur një marrëveshje verbale për t’u bërë trajneri i ardhshëm i Francës pas Kupës së Botës, sipas Fabrizio Romano.
Për momentin, fokusi i “Gjelave” mbetet te Botërori me Didier Deschamps, i cili ka bërë të ditur se do të largohet pas Botërorit 2026, kur i përfundon edhe kontrata. Nga ana tjetër, Zidane nuk ka drejtuar asnjë ekip që prej largimit nga Real Madrid në vitin 2021, dhe prej kohësh është përfolur se objektivi i tij kryesor ishte pikërisht stoli i kombëtares franceze.
Në këtë fazë, gjithçka mbetet në kuadrin e raportimeve (pa një njoftim zyrtar nga Federata Franceze), por nëse konfirmohet, do të ishte rikthimi i madh i Zidane në trajnim pas disa vitesh pauzë dhe një ndryshim epoke në pankinën e Francës.
