Presidenti i Amerikës, Donald Trump ka reaguar pas situatës dramatike në Teksas teksa të paktën 17 persona kanë humbur jetën, mes tyre fëmijë, dhe 20 vajza janë të zhudkura nga përmbytjet e furishme që kanë prekur vendin që prej ditës së premte.
Në një postim në rrjetet sociale, Trump tha se Sekretarja e Sigurisë Kombëtare, Kristi Noem, do të jetë “atje së shpejti”. Ndër të tjera ai shpreh ngushëllimet për të gjitha familjet e prekura nga përmbytjet, ndërsa sqaron se të gjitha ekipet e emergjencës ndodhen në gadishmëri për të minimizuar bilancet tragjike.
“Unë dhe Melania po lutemi për të gjitha familjet e prekura nga kjo tragjedi e tmerrshme. Ekipet tona të ndihmës së shpejtë të guximshme janë në vendngjarje duke bërë atë që bëjnë më mirë. Zoti i bekoftë familjet dhe zoti e bekoftë Teksasin”, shkroi presidenti në Truth Social.
