“Ambasadore e paqes në Austri, mësuese, trajnuese e vetë shërimit, meditimit dhe zhvillimit shpirtëror. Ka studiuar për psikiatri si dhe pedagogji e psikologji përpara se t’i kushtohej fushës së saj të medititmit dhe vetë shërimit, për të cilin kohët e fundit flitet shumë dhe kuptohet që është shumë i rëndësishëm. Amadea Stefa”, kështu e prezantoi Ronaldo Sharka të ftuarën e radhës në “Live From Tirana”.
Pjesë nga intervista:
Nga ana energjitike, ti se e lexon popullin shqiptar në këtë moment?
Kur kam shikuar këto demostratat, me thënë të drejtën, disa video interesante që ishin dhënë në “Instagram”, unë kam parë dritat, domethënë te disa njerëz që kanë filluar të rizgjohen. Çdo dritë e vogël bën një dritë të gjigante pastaj. Atëherë gjithë këto drita ishin duke u bërë si me qenë një bletë, a di ato bletët që bëhen të gjitha bashkë dhe vu dhe ecin ato rrugët e veta. E nganjëherë janë shumë të fuqishme. Num mund t’i përballosh kur blidhen të gjitha së bashku. Kështu mu duk ajo energjia shqiptare.
E nga ana spirituale, energjitike, ti si e ke lexuar gjithë këtë?
Unë e shikoj si me të vërtetv një rizgjim. Por një rizgjim shumë i thellë përsa i përket Shqipërisë. Ndoshta kjo gjë duhej të kishte ndodhur shum, shumë më përpara. Domethënë jemi pak me vonesë sepse këto gjëra është dashur shumë, shumë më përpara të fillonin, që të thonim stop dhe jo protesta sa i përket partive, sepse unë nuk jam as me plusin dhe as me minusin, nuk më intereson as e djathta dhe as e majta dhe si çdo shqiptarë që ndodhet jashtë shtetit ne duam vetëm të mirën e vendit tonë.
Çfarë është e rëndësishme në këtë periudhë, në këtë moment për të diskutuar në lidhje me botën? Ku ndodhet bota në këto momente që flasim?
Bota është duke kaluar një komplet i themi ne, një shift, një kalim nga një dimension në një dimension tjetër. Në kultura të ndryshme flitet edhe në Bibël e Kuran dhe kudo. Për shembull, në Indi thuhet kaliuga, në Kinë dhe Japoni thuhet Shangu Era. Është një cikël…
Një frymë e re
Një frymë shumë e re, një frymëzim gjigant që është duke ardhur në tokën mëmë. Sikur toka, dielli, hëna, të gjithë planetët , konstelacionet janë në një lidhje kaq të fuqishme që toka duhet të ndryshojë. Domethënë njerëzimi duhet të ndryshojë. Jo të mendojnë për egon e vet por të mendojnë për të ardhmen, çfarë do t’i lëmë fëmijëve tanë. Domethënë ky zgjim është shumë më i thellë dhe do t’a tregojë toka. Toka do të na tregojë nëse jo sot, nesër. Që në qoftë se ju nuk zgjoheni dhe kujdeseni për mua si planet, ose ne nuk kujdesemi për tokën tonë duke e mirëmbajtur me dashuri, pa plehra, pa smog, pa shumë gjëra të ndryshme, ajo do t’a tregojë në mënyrat më të ndryshme.
Që do të thotë?
Me katastrofa
Do të hakmerret ndaj nesh?
Nuk është një hakmarrje, ne ia kemi bërë vetë vetvetes. Domethënë është informacioni, energjia negative që është lidhur nga njerëzit duke bërë luftra, duke bërë gjëra jo të mira. Unë them që duke pasur mirë me njëri-tjetrin aty fillon. Fillojmë ne njëherë me veten tonë. Si je ti në familjen tënde? A grindesh? Je në dashuri? A ndihmoni njëri-tjetrin? A ia jep dorën motrës apo vëllait kur kanë nevojë apo thua nuk e qaj kokën se kam interesin tim se dua të ndërtoj vilën këtu. Domethënë të gjitha këto gjëra janë individuale dhe pastaj bëhen kolektive dhe këtë e ndjen toka mëmë edhe më shumë.
Dhe vjen një moment që thua kur do të ketë drejtësi, se ti nuk e quan hakmarrje.
Do të jetë një pastrim dhe do të jetë në mënyrat më të ndryshme. Mund të jetë edhe luftë, me shpërthim vullkanik, me shpërthim bombash. Mund të jetë ajo që nuk e pret njerëzimi absolutisht, blackout, domethënë nga rrezet diellore që Europa mund të jetë në terr për shembull.
Po më tremb.
Nuk është trembje. Ato gjëra priten prej sa kohësh. Ne jashtë shteti jemi të përgatitur sepse shteti na ka përgatitur, ndryshe nga Shqipëria.
Që?
Ne kemi seminare për të gjithë mësuesit, psikologët, pedagogët, mjekët dhe tani edhe popullin po e përfshijnë që çdo krahinë të ketë si të mbajnë ujin, elektrikun vetë se nëse ndodh kjo gjë duhet të jemi të përgatitur.
Kjo mund të vijë nga fenomene natyrore, për shkak të një krize të caktuar, nga çfarë mund të vijë?
Mund të vijë nga kriza të ndryshme. Do të fillojë ndoshta nga mënyra natyrore, por pastaj njeriu kur kalon në frikë dhe në ankth fillon e bën gjëra jo të mira. Për shembull mund të fillojnë të vjedhin.
