Një vatër e madhe zjarri është aktivizuar pasditen e sotme në zonën e Daiasit në Tiranë.
Si pasojë, një re e dendur tymi është përhapur mbi të gjithë zonën dhe është e dukshme nga larg.
Në terren kanë mbërritur shërbimet zjarrfikëse, të cilat po punojnë për izolimin e flakëve, ndërsa operacioni po mbështetet edhe nga ajri me një helikopter të Forcës Ajrore.
Deri tani nuk raportohet rrezik për banesat, pasi zjarri ka përfshirë kryesisht një sipërfaqe me shkurre dhe bimësi të dendur. Megjithatë, situata po mbahet nën monitorim për shkak të përhapjes së shpejtë të flakëve.
Në zonën përreth janë aktive edhe vatra të tjera në Dajt dhe Priskë. Në Dajt, mbi tunelet e Qafë-Mollës, po ndërhyjnë 22 forca zjarrfikëse dhe dy helikopterë të Forcës Ajrore.
