Napoli u shpall mbrëmë kampion i Italisë për herë të katërt në historinë e klubit. Skuadra e drejtuar nga Antonio Conte triumfoi 2-0 ndaj Cagliarit në stadiumin e vet, duke e mbyllur sezonin me një pikë më shumë se Interi.
Festimet shpërthyen në rrugët e qytetit, ku qindra mijëra tifozë napolitanë kremtuan këtë sukses historik. Gjatë entuziazmit masiv, mbi 120 persona u dëmtuan dhe kërkuan ndihmë mjekësore, shumica për shkak të fishekzjarrëve të përdorur gjatë festimeve.
Fatmirësisht, asnjë nga të lënduarit nuk ishte në gjendje të rëndë. Festimet zgjatën deri në orët e para të mëngjesit, ndërsa Napoli po përjeton një nga periudhat më të ndritura në historinë e klubit.
Ky është titulli i dytë brenda një kohe të shkurtër për napolitanët. Kujtojmë se edhe në vitin 2023 Napoli fitoi kampionatin, duke dominuar sezonin dhe lënë Lazion pas me një diferencë prej 16 pikësh.
