José Mourinho ka kërkuar që Real Madridi të mos e humbasë fokusin pas fitores së madhe ndaj Barcelonës në “Camp Nou”, duke theksuar se objektivi i vërtetë i skuadrës është titulli i LaLiga-s.
“Është një fitore e madhe, por nuk do t’i lejoj njerëzit të ecin me kokën në re. Nëse fitojmë sot dhe humbasim në El Sardinero, jemi përsëri në të njëjtën situatë. Real Madrid nuk luan për të fituar në Camp Nou, por për të fituar kampionatin”, deklaroi Mourinho.
Portugezi e cilësoi paraqitjen ndaj Barcelonës si më të mirën e skuadrës së tij deri tani, duke vlerësuar organizimin, karakterin dhe qetësinë e lojtarëve.
“Lojtarët zhvilluan një ndeshje të jashtëzakonshme. Ishim shumë të organizuar, të përqendruar dhe treguam shumë karakter për të dalë me top nga prapa kundër një skuadre që ushtron presion të madh.”
Mourinho vlerësoi gjithashtu Andriy Lunin, i cili zëvendësoi Courtois pas mungesës së belgut për shkak të gripit.
“Ne kemi portierin më të mirë në botë, por sot askush nuk qau sepse Thibaut nuk luante. I thashë Luninit vetëm: ‘Ti stërvitesh për të luajtur, jo për të qëndruar në stol’. Ai bëri një ndeshje shumë të qetë dhe të ekuilibruar.”
Një tjetër emër që mori lavdërimet e trajnerit ishte Federico Valverde, i cili vazhdoi të luante pavarësisht një problemi fizik.
“Valverde luajti i dëmtuar për më shumë se 40 minuta. Donte të vazhdonte dhe dha gjithçka deri në momentin që ishte në fushë.”
Mourinho foli edhe për Marc Cucurellan, i cili zhvilloi një duel të fortë me Lamine Yamal.
“Cucu ishte shumë i mirë përballë një lojtari shumë të mirë. Lamine provoi gjithçka, madje edhe ta detyronte të merrte karton të verdhë, por ai e përballoi shumë mirë.”
Trajneri i Realit nuk kurseu as një thumb për arbitrimin, duke pretenduar se João Cancelo duhej të ishte ndëshkuar me karton të kuq për një ndërhyrje ndaj Diomande.
“Arbitri bëri një ndeshje shumë të mirë, por VAR-i ishte në gjumë në minutën e 60-të. Ishte një karton i kuq i qartë.”
Pavarësisht entuziazmit pas El Clásicos dhe pesë fitoreve radhazi, Mourinho e bëri të qartë mesazhin: Real Madridi ende nuk ka fituar asgjë.
“Duhet të vazhdojmë. Kjo është një fitore e madhe, por objektivi është kampionati.”
