Një automjet ka përplasur disa persona që ndodheshin në anë të rrugës në qytetin e Modena, Itali.
Sipas informacioneve paraprake, drejtuesi i mjetit ka humbur kontrollin dhe ka dalë mbi trotuar, duke përplasur këmbësorët.
Si pasojë e aksidentit, 8 persona kanë mbetur të plagosur, ndërsa gjendja e 4 prej tyre raportohet e rëndë.
Dëshmitarët në vendngjarje kanë deklaruar se shoferi është përpjekur të largohet pas aksidentit, por është kapur pak më vonë nga policia dhe është shoqëruar për veprime të mëtejshme hetimore.
Autoritetet po punojnë për të zbardhur shkaqet dhe rrethanat e plota të ngjarjes.
