Një tërmet me magnitudë 3.7 të shkallës Rihter është regjistruar sot pranë ishullit Zakynthos në Greqi. Lëkundja u ndje rreth orëve të paradites dhe ka shkaktuar panik të lehtë tek banorët lokalë, ndonëse fatmirësisht nuk raportohen dëme materiale apo persona të lënduar.
Sipas të dhënave të Institutit Gjeodinamik të Athinës, epiqendra e tërmetit ka qenë në det, në një distancë prej pak kilometrash nga brigjet e Zakynthos, me thellësi rreth 10 kilometra.
Ishulli Zakynthos është një nga zonat më aktive sizmike në Greqi dhe shpeshherë goditet nga lëkundje të vogla e të mesme, të cilat konsiderohen normale për aktivitetin e rajonit.
Autoritetet greke theksojnë se situata është nën kontroll dhe nuk ka vend për panik, ndërsa monitorimet për lëkundje të tjera vijojnë.
