Një tërmet me magnitudë 4.2 të shkallës Rihter është regjistruar rreth orës 01:00 pas mesnate, me epiqendër në fshatin Ballaban të Këlcyrës.
Sipas të dhënave paraprake, thellësia fokale e tij ka qenë rreth 10 kilometra. Qytetarë të shumtë nga Këlcyra, Përmeti, Gjirokastra, Berati dhe Skrapari kanë pohuar se kanë ndjerë lëkundje të forta, megjithëse të shkurtra në kohëzgjatje.
Deri më tani nuk raportohet për dëme materiale apo persona të lënduar.
