Marc-André ter Stegen pritet të largohet në orët e ardhshme nga grumbullimi i Barcelonës në Angli, për të udhëtuar drejt Amsterdamit.
Portieri gjerman do të bashkohet me Ajaxin në formë huazimi për një sezon. Marrëveshja mes dy klubeve ishte arritur prej disa ditësh, por disa çështje fiskale kishin vonuar përfundimin e operacionit.
Pengesat lidheshin me taksat që duhej të paguheshin në Holandë dhe Spanjë. Ter Stegen kërkonte që kostot të mbuloheshin nga klubet, ndërsa Ajax nuk kishte pranuar. Barcelona ka gjetur tashmë një zgjidhje dhe transferimi pritet të finalizohet së shpejti.
Pavarësisht se marrëveshja ishte thuajse e mbyllur, Hansi Flick vendosi që portieri të udhëtonte fillimisht me pjesën tjetër të skuadrës drejt Anglisë.
