Situata te Real Madrid po bëhet gjithnjë e më e ndërlikuar, ndërsa Federico Valverde mund të përballet me një moment shumë të vështirë në klub.
Sipas gazetarit dhe insider-it të njohur Ramon Alvarez, disa lojtarë me ndikim në dhomën e zhveshjes së Real Madrid i janë drejtuar drejtuesve të klubit me kërkesën që Valverde të largohet nga skuadra në fund të sezonit.
Emrat e lojtarëve që po e udhëheqin këtë pakënaqësi nuk janë bërë të ditur. Megjithatë, pas përplasjes së fundit mes Valverde dhe Tchouaméni, ekziston mundësia që drejtuesit e klubit të marrin në konsideratë qëndrimin e lojtarëve të pakënaqur dhe ta vendosin mesfushorin në listën e transferimeve.
Pavarësisht kësaj, largimi i Valverde do të ishte një vendim shumë i vështirë për Real Madrid, duke parë kontributin e madh që ai ka dhënë ndër vite për madrilenët.
Këtë sezon, Valverde ka zhvilluar 48 ndeshje me Los Blancos, duke shënuar 9 gola dhe duke dhënë 13 asistime. Kontrata e tij është e vlefshme deri në vitin 2029, ndërsa vlera e tij në treg, sipas Transfermarkt, llogaritet rreth 120 milionë euro.
