Protesta e mbajtur para Kryeministrisë është shoqëruar me tensione dhe përplasje mes protestuesve dhe forcave të policisë.
Sipas protestuesve dhe kreut të Shqipëria Bëhet, Adriatik Lapaj, efektivë të policisë kanë fotografuar qytetarët gjatë tubimit. Pas kësaj, protestuesit kanë tentuar të çajnë kordonin policor, çka ka sjellë përplasje dhe shtyrje.
Lapaj ka deklaruar se në protestë ndodheshin edhe persona civilë, të cilët sipas tij po fotografonin qytetarët me qëllim identifikimin dhe arrestimin e tyre më pas.
“Ka civilë me xhup ‘Louis Vuitton’ që po u bëjnë foto qytetarëve për t’i arrestuar. Turp të keni. Arrestoni mua, ja ku jam. Pse u bëni foto qytetarëve dhe i frikësoni njerëzit?”, u shpreh Lapaj.
