Seanca konstituive e Kuvendit të Kosovës është shoqëruar me tensione dhe përplasje mes deputetëve, duke sjellë edhe ndërprerjen e saj.
Situata u përshkallëzua pasi kreu i Vetëvendosjes, Albin Kurti, kërkoi kohë shtesë për të propozuar emrin e kandidatit për kryetar të Kuvendit.
Në shenjë kundërshtimi, deputetja e Aleancës për Ardhmërinë e Kosovës, Time Kadrijaj, ka hedhur vezë në drejtim të Kurtit.
Pas incidentit ka pasur përplasje edhe mes deputetëve dhe forcave të sigurisë, çka ka detyruar drejtuesin e seancës ta ndërpresë atë.
Ndërkohë, deputetja e LDK-së, Jehona Lushaku, i ka bërë thirrje Vetëvendosjes që të propozojë kandidatin për kryetar të Kuvendit, duke kundërshtuar kërkesën e Kurtit për shtyrje të vendimmarrjes.
Kriza për konstituimin e Kuvendit vijon, ndërsa palët politike nuk kanë arritur ende një marrëveshje për zgjedhjen e kryetarit të institucionit.
