Ministria e Jashtme e Bosnje e Hercegovinës ka reaguar me një notë proteste drejtuar Hungarisë pas deklaratave të ministit hungarez të Jashtëm, Peter Szijjarto, i cili e quajti Millorad Dodikun president të Republikës Sërpska gjatë një takimi në Budapest. Ky titull i është hequr Dodikut nga gjykata, e cila ka vendosur një dënim prej një viti burgim dhe një ndalim për të ushtruar detyrën për gjashtë vjet. Pas këtij vendimi, Komisioni Qendror i Zgjedhjeve të Bosnjës i hoqi mandatin Dodikut dhe shpalli zgjedhje të parakohshme në entitetin serb për më 23 nëntor.
Megjithatë, Dodik ka refuzuar të pranojë këto vendime, duke thirrur një referendum për të sfiduar autoritetin e institucioneve shtetërore, ndonëse Gjykata Kushtetuese e Bosnjës ka vërtetuar se entitetet nuk kanë të drejtë për referendume të tilla. Në takimin e mbajtur të enjten, Szijjarto theksoi se Hungaria respekton “vullnetin e votuesve” dhe se vendet e tjera, përfshirë Brukselin, nuk duhet të ndikojnë në të ardhmen e Republikës Sërpska.
Ministria e Jashtme e Bosnjës në notën e saj protestuese u shpreh e shqetësuar për faktin se, gjatë një paraqitjeje publike, Dodik kërcënoi integritetin territorial të Bosnjës pa marrë ndonjë reagim nga Szijjarto. Ajo theksoi se veprimet e tij përfaqësojnë një shkelje të praktikave diplomatike dhe një mungesë respekti ndaj vendimeve të institucioneve të vendit.
Hungaria ka vendosur gjatë kohës që në pushtet janë Dodik dhe partia e tij, duke bllokuar çdo përpjekje të Bashkimit Evropian për ta sanksionuar. Një muaj më parë, Dodik e kishte takuar edhe kryeministrin hungarez, Viktor Orban, i cili kishte thënë se nuk e njeh vendimin e Gjykatës së Bosnjës. Sipas të dhënave, Republika Sërpska parashikohet të paguajë rreth 112 milionë euro një banke hungareze deri në prill të vitit 2025, pas një huaje të marrë në vitin 2022.
