Të shtëna me armë zjarri janë regjistruar mbrëmjen e së martës në zonën e Laprakës, në Tiranë.
Nga të shtënat kanë mbetur të plagosur dy persona, të cilët janë transportuar në Spitalin e Traumës për ndihmë mjekësore.
Sipas informacioneve paraprake, të plagosurit janë Bledar Dauti, 39 vjeç, dhe Dashamir Tahiri, 35 vjeç.
Raportohet se të dy kanë marrë plagë në këmbë dhe ndodhen jashtë rrezikut për jetën.
Policia ka mbërritur në vendngjarje, ndërsa kanë nisur veprimet hetimore për zbardhjen e rrethanave të ngjarjes, motivit të të shtënave dhe identifikimin e personit apo personave përgjegjës.
