Kreu i Partisë Demokratike, Sali Berisha ditën e djeshme ka lajmëruar protestën e ardhshme kombëtare. Ai u shpreh se protesta do të mbahet më datën 26 nëntor, duke e cilësuar si tubimin më të fuqishëm që Shqipëria ka njohur ndonjëherë.
Bëhet me dije se protesta e opozitës do të mbahet në orën 17.00, teksa lajmin e ka bërë me dije sekretari Organizativ i PD-së, Klevis Balliu.
“Ditën e martë, në orën 17:00, Tirana do t’i kthehet qytetarëve. Kjo protestë do të sjellë kryeqytetin në duar të sovranit, ndërsa rrugët e korrupsionit do të bllokohen masivisht përballë Narkoqeverisë Rama,” shkruan Balliu.
Kujtojmë që protesta e fundit është mbajtur më 19 nëntor përpara Kuvendit të Shqipërisë për të kundërshtuar miratimin e buxhetit 2025, ku pjesëmarrja e protestueseve nuk ishte e lartë dhe protesta zgjati rreth dy orë.
