Raporti i fundit nga Eurobarometer tregon se hendeku i të ardhurave mes grupeve më të ulëta dhe më të larta të fitimeve është ende shumë i dukshëm në Evropë, pavarësisht masave politike për të adresuar këtë pabarazi. 81% e evropianëve besojnë se diferencat në të ardhura janë shumë të mëdha, ndërsa 78% mendojnë se qeveritë duhet të ndërmarrin më shumë hapa për t’i reduktuar ato.
Megjithatë, ky problem nuk është ekskluziv për Evropën, pasi pabarazia e të ardhurave arrin nivele shumë më të larta në pjesë të tjera të botës. Sipas të dhënave nga LIS Cross-National Data Center, të ardhurat mesatare pas taksave të dekadës më të pasur shprehen në kuotat e fuqisë blerëse (PPP), duke marrë parasysh ndryshimet në koston e jetesës.
Shtetet e Bashkuara udhëheqin në grupin e të ardhurave më të larta, me një mesatare prej 94,857 dollarësh PPP për vit. Luksemburgu renditet i dyti dhe paraqet të ardhurat më të larta pas tatimit në Evropë, ndërsa Zvicra është e treta. Gjermania dhe Australia përfundojnë top pesëshen, kurse vendet si Kanada, Austria, Norvegjia, Islanda dhe Danimarka janë mes dhjetë vendeve më të pasura.
Ndryshimet në renditjen e të ardhurave të dekadës më të pasur janë evidentuar gjatë dy dekadave të fundit. Në vitin 2000, Mbretëria e Bashkuar ishte e treta, por renditja e saj ka rënë vazhdimisht, duke zbritur në vendin e katërt, nga viti 2020. Kjo tregon se fuqia blerëse e pasurive pas taksash për 10% e sipërm të fituesve në Mbretërinë e Bashkuar është dobësuar.
Gjermania është rritur nga vendi i gjashtë në të tretin, ndërsa Franca ka rënë nga i teti në të njëmbëdhjetin. Italia gjithashtu është përballur me rënie, duke u renditur nga e katërmbëdhjeta në të muytë.
Kjo analizë ilustron qartë hendekun e thellë të të ardhurave në Evropë dhe tregon se ka ende nevojë për masa të mëtejshme për të reduktuar pabarazinë në të ardhura.
