Kuvajti, Katari dhe Emiratet e Bashkuara Arabe kanë raportuar ditën e sotme për sulme me raketa dhe dronë.
Ministria e Mbrojtjes e Kuvajtit njoftoi se 14 raketa balistike dhe 12 dronë u zbuluan brenda hapësirës ajrore të vendit.
“Si rezultat, një nga kampet e Forcave të Armatosura u godit, duke shkaktuar lëndime për 10 persona”, thuhet në deklaratë.
Katar njoftoi se kishte zbuluar “një numër dronësh” të nisur nga Irani, të cilët u neutralizuan me sukses.
Ndërkohë, ministria e mbrojtjes e Emirateve të Bashkuara Arabe tha se sistemet e saj të mbrojtjes ajrore po “angazhoheshin në mënyrë aktive” për të parandaluar sulmet, pasi 16 raketa balistike dhe 42 dronë u lëshuan drejt vendit nga Irani.
