Moti i keq që ‘mbërtheu’ Tiranën dhe disa qarqe të tjera ka shkaktuar jo vetëm dëme materiale, por edhe pasoja në njerëz.
Gazetari Igli Çelmeta raporton për BalkanWeb se në spitalin e Traumës janë paraqitur 20 persona, me dëmtime të ndryshme, si pasojë e stuhisë që përfshiu në pak minuta kryeqytetin.
Ndërkohë, 10 prej tyre vijojnë të jenë ende në spital, duke marrë shërbim të specializuar, ndërsa të tjerët janë larguar drejt banesave të tyre. Kujtojmë se disa pemë u këputën, duke zënë poshtë disa makina, por pa dëme të rënda.
