Shiko videon këtu!
Një përballje dramatike në arenën e arteve marciale mikse (MMA), e zhvilluar në “MBW Park” në Mynih të Gjermanisë, u shënua nga një incident i rëndë, ku sportisti shqiptar Arijan Topallaj humbi ndjenjat gjatë përballjes me kundërshtarin irlandez, Denis Frimpong.
Frimpong pati epërsi të qartë gjatë ndeshjes dhe arriti fitoren me nokaut teknik në raundin e tretë, në sekondën e 44-të. Statistikat zyrtare tregojnë se Topallaj pësoi rreth 100 goditje, ndërsa kundërpërgjigjja e tij ishte më e kufizuar, me vetëm 53 goditje të realizuara. Ai u detyrua të tërhiqej për shkak të lodhjes dhe presionit të pandërprerë nga kundërshtari.
Pamjet nga vendngjarja dokumentojnë momentin tronditës kur Topallaj u nxor nga kafazi me barelë dhe u transportua me urgjencë drejt spitalit.
Lajmi i mirë është se, sipas burimeve pranë organizatorëve, gjendja e tij shëndetësore është stabilizuar dhe ai tashmë ndodhet jashtë rrezikut për jetën.
