Gazetari Ermal Vija tha se mes drejtuesve të SPAK dhe BKH është vënë re një ‘përplasje’. Vija përmendi dy mega operacionet e SPAK në të cilat Aida Hajne nuk ishte pjesë në konferencë. Më tej, Vija tha se institucioni i BKH do të ketë në varësi 100 hetues dhe struktura e saj është paralel me atë të Prokurorisë së Përgjithshme.
“Në 1 shtator komisioni duhet të emëroj një prej këtyre emrave për drejtues të BKH. Përplasjet kanë qenë evidente, ka pasur krisje mes drejtuesit të prokurorisë së posaçme dhe Aida Hajne, si dhe tani mes saj dhe SPAK. Mes dy operacioneve të fundit të Prokurorisë së Posaçme, goditja e Pojrave dhe operacioni në Finlandë , në këto dy operacione nuk ka qenë Aida Hajne por ka qenë zëvendësi i saj i cili është kandidat tani.
BKH është një institucion që ka në varësi 100 hetues të BKH dhe është struktura paralel e Prokurorisë së Posaçme. Agjentë të BKH janë të lidhur me drejtues të BKH dhe delegimi i çështjeve vjen nga prokurorët.” / abcnews.al
