Këtë të shtunë, më 21 dhjetor, do të ndodhë solstici dimëror, ngjarja astronomike që shënon fillimin e dimrit në Hemisferën Veriore. Ky fenomen ndodh çdo vit më 21 ose 22 dhjetor dhe është rezultat i pjerrësisë së rreth 23.5 gradëve të boshtit të Tokës ndaj orbitës së saj rreth Diellit. Për shkak të kësaj pjerrësie, Toka është më afër Diellit në Hemisferën Jugore, ku shënohet solstici veror.
Gjatë solsticit dimëror, Poli i Veriut është i zhytur në errësirë për 24 orë, ndërsa Poli i Jugut përjeton dritë të pandërprerë. Ky moment ka rëndësi të veçantë për ndryshimin e stinëve, pasi pas kësaj date, ditët do të fillojnë të zgjasin, duke i hapur rrugë periudhës së ngrohjes që çon në solsticin e verës.
Pavarësisht se solstici dimëror është dita më e shkurtër e vitit, ai nuk është gjithashtu dita më e ftohtë. Oqeanet dhe toka çlirojnë ngadalë nxehtësinë e grumbulluar gjatë verës, duke bërë që kulmi i të ftohtit të ndodh disa javë pas solsticit. Ndërkohë, gjatë periudhës që pason, rrezatimi diellor do të ngrohë gradualisht planetin.
