Një ngjarje skandaloze është regjistruar së fundmi në një shkollë në Prishtinë. Sipas asaj që Koha.net raporton mësohet se në klasën e gjashtë në shkollën “Xhemail Mustafa” mësuesi i gjuhës angleze ka hedhur në koshin e mbeturinave flamurin shqiptar si dhe ka përjashtuar nga ora e mësimit nxënësen që mbante mbi kokë plisin.
Sipas dëshmive të nxënësve të kësaj klase mësuesi nuk i ka lejuar që të futen në orën e mësimit me elemnte që simbolizojnë shënimin e 28 Nëntorit.
“Shkoi dhe i bërtiti dhe tha se nuk duhet të mbahet plisi gjatë orës mësimore dhe Tea e mori këtë shumë ofenduese se ky është një simbol shqiptar… ai e mori flamurin dhe donte ta gjuante në bërllok, por nuk e lejoi ai nxënësi që ishte te tabela, por arsimtari e ka shty që ai të largohet dhe e ka gjuajt në bërllok”, ka thënë një nxënëse.
Ndërkohë, babai i vajzës që u përjashtua, Agim Kita është shprehur se veprimet e mësuesit janë të papranueshme dhe skandaloze.
“Me ardhë puna në vitin 2024 në prag të 28 Nëntorit me largu një fëmijë prej shkolle për shkak të simboleve kombëtare, kjo është tragjedi dhe është skandaloze”, ka theksuar Kita.
Lidhur me këtë ngjarje e cika u regjistrua një ditë më parë, më 27 nëntor, ka foli edhe zv.drejtori i shkollës Fatos Berisha i cili ka thënë se mësuesi ka pohuar se ka larguar nxënësen nga klasa për shkak të simboleve kombëtare. Sipas Berishës, ndaj këtij mësimdhënësi edhe në të kaluarën ka pasur ankesa për predikime fetare gjatë orëve mësimore.
“Në të kaluarën ka pasur ankesa të natyrave të tjera, jo të simboleve kombëtare, do të thotë për mospërfillje të planprogramit mësimor ky ka fol për temat të cilat nuk kanë të bëjnë me planprogramin me lëndën të cilën ai e ligjëron. Për këto ankesa i kemi dënuar në nivelin disiplinor në DKA”, ka deklaruar Berisha për Koha.net.
