Një incident i rëndë ka ndodhur mbrëmjen e së martës në Gjakovë, ku një shtetas i huaj ka kërkuar ndihmë mjekësore pas dyshimeve se është therur me thikë.
Sipas raportit të policisë, viktima ka arritur në Qendrën Kryesore të Mjekësisë Familjare me dy plagë të dukshme, për të cilat ka marrë trajtim nga stafi mjekësor.
Pas ndihmës fillestare, mjeku kujdestar ka vendosur që të dërgojë viktimën në Qendrën Klinike Universitare të Kosovës (QKUK) për trajtim më të specializuar.
Aktualisht, hetimet për këtë rast po vazhdojnë, por nuk janë dhënë detaje të tjera në lidhje me rrethanat e incidentit ose identitetin e viktimës.
