Një zjarr i fuqishëm ka shpërthyer gjatë natës në një hotel në vendpushimin e skive në provincën Bolu të Turqisë, ku për pasojë ka lënë disa të vdekur.
Për shkak se zjarri ka rënë gjatë natës, shumë pushues u kapën të papërgatitur për tu larguar nga resorti. Për pasojë 10 persona kanë humbur jetën, ndërsa më shumë se 30 të tjerë kanë mbetur të lënduar.
Zjarri shpërtheu në katin e katërt të një hoteli 11-katësh, por ende nuk raportohet se cili ka qenë shkaku.
Menjëherë pas shpërthimit, ekipet e zjarrfikëseve kanë luftuar me flakët për të bërë të mundur vënien nën kontroll të situatës.
Ministri i Brendshëm i Turqisë, Ali Gelikaya është shprehur se autoritetet janë duke punuar me përkushtim për të ndihmuar të lënduarit dhe për të bërë të mundur dërgimin e ndihmës së nevojshme.Ndërkohë, hetimet për shkaqet e zjarrit janë duke vazhduar.
