Raporti “Rajonet Europiane të së Ardhmes 2025” rekomandon se qytetet e Ballkanit Perëndimor duhet të përqendrohen në zhvillimin e infrastrukturës, krijimin e stimujve fiskalë, promovimin e industrive të teknologjisë dhe energjisë së pastër, si dhe përmirësimin e fuqisë punëtore të kualifikuar. Përmes këtyre masave, ato mund të bëhen destinacione më konkurruese për investitorët e huaj dhe të integrohen më mirë në ekonominë europiane.
Raporti “Qytetet dhe Rajonet Europiane të së Ardhmes 2025” nga FDI Intelligence analizon tendencat e Investimeve të Huaja Direkte (IHD) në Europë, duke identifikuar qytetet dhe rajonet më tërheqëse për investitorët.
Shkupi i Maqedonisë së Veriut është renditur si qyteti më efektiv sa u përket kostove midis qyteteve të mesme në Europë. Ky klasifikim tregon për një klimë biznesi të favorshme dhe kosto të ulëta operacionale për investitorët, duke e bërë atë një qendër tërheqëse për projekte të reja.
Tirana gjendet në të njëjtën tabelë, por është në vend të tetë. Në përgjithësi, Shkupi ka një mjedis më tërheqës për investitorët ndërkombëtarë në krahasim me Tiranën, kryesisht për shkak të kostove më të ulëta dhe politikave më miqësore për biznesin.(lexo KËTU për më shumë)
