Një ngjarje e rëndë ndodhi në Shkodër, ku një 26-vjeçar është arrestuar për kanosje me armë zjarri ndaj një 20-vjeçari.
Ngjarja ndodhi rreth orës 13:00 pranë Stacionit të Trenit, ku ishin raportuar të shtëna. Forcat e rendit u shpërndanë në zonë për të identifikuar dhe kapur autorin.
Sipas informacioneve të para, arrestimi i të dyshuarit, i identifikuar si A. Sh., u bë i mundur falë bashkëpunimit të specialistëve të Hetimit të Krimeve dhe shërbimeve të Patrullës së Përgjithshme, mbështetur nga Forca e Posaçme “Shqiponja”.
Dyshohet se pas një konflikti për motive të dobëta, A. Sh. kanosi Xh. G., duke qëlluar fillimisht në ajër me armë automatike dhe më pas iku nga vendi i ngjarjes.
Përveç arrestimit, Policia gjeti gjithashtu armën me të cilën dyshohet se 26-vjeçari ka qëlluar.
