Një sherr masiv është regjistruar mbrëmjen e kësaj të mërkure në qytetin e Bilishtit, ku ka përfunduar me plagosjen e dy personave.
Nga informacionet paraprake mësohet se tre persona kanë dhunuar me sende të forta një person, ndërsa ky i fundit më pas ka nxjerrë thikën dhe ka plagosur një prej agresorëve.
Më konkretisht, burime për mediat bëjnë me dije se shtetasi Trajan Çeliku, i njohur si person problematik në zonë, së bashku me dy të tjerë kanë dhunuar me sende të forta shtetasin me inicialet G.M., rreth 39 vjeç.
Burime bëjnë me dije se konflikti ka pasur një histori të përsëritur dhe dyshohet se ka ndodhur për motive të dobëta. Mësohet se Trajan Çeliku ishte konfliktuar fillimisht me 39-vjeçarin gjat paradites së sotme, ku ka patur më shumë një konflikt verbal mes tyre, ndërkohë, në mbrëmje ka shkuar së bashku me dy persona të tjerë për ta dhunuar.
Pas përplasjes, të lënduarit janë transportuar në spital për trajtim mjekësor dhe më pas janë shoqëruar nga policia në komisariatin e Devollit, ku po merren në pyetje për të zbardhur rrethanat e plota të konfliktit.
