SHBA-të janë “tërësisht të investuara në NATO ”, tha Mark Rutte, ndërsa hodhi poshtë shqetësimet se Uashingtoni është tërhequr nga roli i tij udhëheqës i aleancës ushtarake.
Sekretari i përgjithshëm i NATO-s tha se ka një “marrëdhënie shumë të mirë” me sekretarin e mbrojtjes të SHBA-së, Pete Hegseth dhe se ata janë në kontakt të drejtpërdrejtë. Kjo pavarësisht se Hegseth nuk mori pjesë në takimin e ministrave të mbrojtjes të NATO-s në Bruksel sot.
Kur u pyet për mungesën e tij gjatë një konference për shtyp, Rutte tha:
“Unë dhe Pete Hegseth kemi një marrëdhënie shumë të mirë dhe jemi në kontakt të drejtpërdrejtë, siç jam, sigurisht, me presidentin amerikan dhe me Marco Rubio, sekretarin e shtetit, të cilin do ta takoj në Mynih në ditët në vijim.
Pra, ky është një bashkëpunim i ngushtë. Duhet ta kuptoni se Shtetet e Bashkuara janë vendi më i madh në tokë, është ushtria më e fuqishme në Tokë. Është 25% e ekonomisë botërore. Pra, po, ata janë tërësisht të investuar në NATO. Ata janë të ankoruar në NATO. Nuk ka dyshim për këtë.”
