Mesfushori italian i Newcastle, Sandro Tonali, është futur në radarët e Arsenalit për afatin kalimtar të verës.
Sipas raportimeve të CaughtOffside, 25-vjeçari, i cili luan si mesfushor defensiv, po ndiqet me interes nga klubi londinez. Madje, drejtori sportiv i Arsenalit, Andrea Berta, ka qenë i pranishëm në një ndeshje të Newcastle për ta vëzhguar nga afër futbollistin italian.
Megjithatë, një transferim i mundshëm duket i vështirë për t’u realizuar, pasi Newcastle kërkon të paktën 100 milionë euro për yllin e saj. Në të njëjtën kohë, te Arsenali ngrihen pikëpyetje edhe për nevojën e një afrimi tjetër në qendër të mesfushës, duke qenë se skuadra ka tashmë emra si Declan Rice dhe Martin Zubimendi.
Gjatë sezonit 2025/26, Tonali ka zhvilluar 44 paraqitje në të gjitha garat, duke shënuar 3 gola dhe duke dhënë 6 asistime. Sipas Transfermarkt, vlera e tij në treg është 75 milionë euro, ndërsa kontrata me Newcastle skadon në qershor të vitit 2028.
