Fuqia e përqafimit, dhe veçanërisht kontaktit fizik dhe dashurisë, nuk fshihet. Të gjithë e dimë dhe pak a shumë e kërkojmë nëse nuk e kemi në jetën tonë.
Por ndoshta në rutinën tonë dhe në marrëzinë e jetës sonë të përditshme, disi, diku harrojmë ta tregojmë apo ndalojmë ta marrim. Thonë se dashuria fshihet në momentet e vogla. Në një vështrim të ngrohtë, në një “mirëmëngjesi” kuptimplotë, një buzëqeshje të ëmbël dhe po, në një përqafim.
Autorja dhe psikoterapistja Virginia Satir dikur tha: “Ne kemi nevojë për 4 përqafime në ditë për të mbijetuar.”
Shumica e hulumtimeve kanë treguar dhe vërtetuar shkencërisht se përqafimet na ndihmojnë të ndihemi më të sigurt, të reduktojmë stresin, të prodhojmë oksitocinë (i njohur edhe si “hormoni i dashurisë”) dhe të ndihemi më të lidhur me ata që na rrethojnë.
Pra, sa përqafime ju duhen për të qenë të lumtur?
Nëse doni të bëheni praktik, synoni të paktën 8 përqafime në ditë. Dhe jo, jo gjithmonë duhet të jetë me një partner. Nëse jeni beqarë, ka njerëz për të përqafuar. Një përqafim me nënën tuaj, shoqen tuaj më të mirë, fëmijën tuaj, kafshën tuaj shtëpiake, madje edhe një përqafim me veten tuaj.
Sa herë që përqafojmë dikë me të vërtetë dhe me emocione, është si të themi, “Unë jam këtu për ty. Të shoh. Të ndjej.”
