Autoriteti i Mediave Audiovizive (AMA) organizoi Forumin e 12-të të Rrjetit të Rregullatorëve të vendeve të Detit të Zi (BRAF), ku përfaqësues nga nëntë vende diskutuam për Gjuha e Urrejtjes në transmetimet audiovizive dhe platformat online. Një temë e rëndësishme kjo, veçanërisht në kontekstin e zhvillimeve teknologjike të fundit.
Në forum morën pjesë figura të larta nga Organizatës së Bashkëpunimit Ekonomik të Detit të Zi (BSEC), si Zv. Sekretarja e Parë, Amb. Dr. Merve Safa Kavakcı, e cila theksoi qëndrueshmërinë e BSEC në projekte si Agjenda Ekonomike dhe sistemi digjital PERMIT. Ajo nënvizoi rëndësinë e bashkëpunimit me Bashkimin Evropian dhe projekte si “Blueing the Black Sea” për të nxitur zhvillimin dhe qëndrueshmërinë rajonale.
Kryetarja e AMA-s, Armela Krasniqi, theksoi nevojën për të luftuar Gjuhën e Urrejtjes, duke e cilësuar këtë si një sfidë globale që kërkon bashkëpunim dhe shkëmbim eksperiencash mes vendeve anëtare. Ajo përmendi përparimin e Shqipërisë në rregullimin e tregut mediatik dhe nevojën për të arritur ekuilibrin midis Lirisë së Shprehjes dhe mbrojtjes nga Gjuhën e Urrejtjes.
Gjatë diskutimeve, përfaqësues nga Azerbajxhani, Turqia, Greqia dhe Gjeorgjia trajtuan ndikimin e Gjuhës së Urrejtjes dhe të Drejtën për Informim në median audiovizive, duke ndarë eksperiencat e tyre dhe duke diskutuar mbi zgjidhje të mundshme. Ndërkaq, përfaqësues të Armenisë, Bullgarisë, Moldavisë dhe Serbisë u fokusuan në ndërgjegjësimin dhe edukimin e publikut mbi çështjet e përmbajtjeve online.
AMA është e angazhuar në luftën kundër Gjuhës së Urrejtjes dhe po punon për adaptime ligjore, përfshirë aktet si Akti i Lirisë së Medias dhe Akti i Shërbimeve Digjitale. Prioritet mbetet gjithashtu monitorimi i përmbajtjeve audiovizive dhe edukimi mediatik, me qëllim që të krijohet një audiencë e mirë orientuar dhe e edukuar.
