Në Panairin Ndërkombëtar të Selanikut, kryeministri grek Kyriakos Mitsotakis shpalli një paketë masash me vlerë 1.6 miliardë euro në një moment kritik për qeverisjen e tij, kur popullariteti i konservatorëve po bie për shkak të rritjes së çmimeve të ushqimeve dhe banesave. Ai e quajti këtë paketë reformat më të guximshme të viteve të fundit, duke prekur mbi 4 milionë grekë.
Gjatë fjalës, Mitsotakis nënvizoi se Greqia ka kaluar nga kriza në stabilitet, duke ulur papunësinë dhe rritur investimet dhe turistët. Ai theksoi se prioriteti është mbështetja e të ardhurave të qytetarëve përballë rritjes së kostos së jetesës, pa kompromentuar stabilitetin fiskal. Mes masave kryesore përfshihen ulja e normave tatimore me 2 pikë për të gjithë qytetarët, si dhe një tatim zero për të rinjtë nën 25 vjeç me të ardhura deri në 20,000 euro. Po ashtu, për ata deri në 30 vjeç, taksa ulet drastikisht nga 22% në 9%. Këto ndryshime do të sjellin përfitime që variojnë nga 400 deri në 4100 euro në vit për individët e prekur.
Mitsotakis po ashtu njoftoi ndërtimin e 2000 apartamenteve për të papunët dhe uljen e tarifave të qirave nga 12,000 në 24,000 euro. Në fshatrat me më pak se 1500 banorë, taksa mbi banesën e parë, ENFIA, do të përgjysmohet deri në 2026 dhe do të hiqet plotësisht vitin pasues. Kishtë po ashtu një ulje të TVSH-së për ishujt e vegjël kufitarë.
Mitsotakis njoftoi gjithashtu rritje pagash për mbi 151,000 anëtarë të forcave të armatosura dhe për policinë, ndërsa për pensionistët do të përfitojnë me heqjen e diferencës personale deri në 2027. Kryeministri theksoi se Greqia do të ruajë sigurinë kombëtare dhe parashikoi katër reforma të rëndësishme deri në vitin 2030.
Shpallja e këtyre masave erdhi paralelisht me protestat antiqeveritare që u zhvilluan në Selanik dhe qytete të tjera, në përgjigje të krizës sociale dhe tragjedisë së trenave dy vjet më parë.
