Kjo e martë e ka gjetur vendin nën pushtimin e reshjeve të dendura të shiut. Si pasojë, në disa qytete të Shqipërisë janë raportuar dhe problemet e para ku uji ka depërtuar nëpër rrugë dhe banesat e qytetarëve.
Situata më problematike paraqitet në qytetin e Durrësit dhe atë të Lezhës, ku si pasojë e motit të keq Ministria e Arsimit ka njoftuar pezullimin e mësimit në shkolla.
Ndërkohë, kryeministri Edi Rama ka njoftuar vetëm pak më parë se në kaskadën e Drinit, si pasojë e rritjes së prurjeve, kanë nisur shkarkimet e kontrolluara nga HEC Koman dhe HEC Vau i Dejës, ku aktualisht po shkarkohet një sasi prej 700 m³/sekondë, përveç prodhimit, shkarkime këto të monitoruara dhe të menaxhuara nga specialistët e hidrocentraleve
“Bashkia Shkodër është në koordinim të vazhdueshëm me KESH për menaxhimin e situatës dhe minimizimin e çdo rreziku të mundshëm për zonat e territorit të bashkisë, ndërsa deri në këto momente nuk është evidentuar asnjë problematikë”, shkruan kreu i qeverisë ndër të tjera.
