Një tjetër dëshmi e përkushtimit dhe profesionalizmit të Forcës Detare shqiptare vjen nga ujërat e Detit Egje. Anija “Butrinti” P-134, pjesë e misionit të NATO-s, ka kryer me sukses një operacion kërkim-shpëtimi, duke shpëtuar 13 emigrantë, mes tyre edhe dy fëmijë.
Operacioni u zhvillua në bashkëpunim me autoritetet greke dhe turke, dhe përfundoi pa incidente. Ky është rasti i katërt i këtij lloji gjatë vitit 2025, me plot 111 jetë të shpëtuara nga deti.
“Një tjetër operacion i suksesshëm nga djemtë dhe vajzat tona të Forcës Detare!
Anija “Butrinti” P-134, pjesë e misionit të NATO-s në Detin Egje, finalizoi operacionin e kërkim-shpëtimit (SAR), duke u ardhur në ndihmë 13 emigrantëve, mes tyre 2 fëmijë.
Operacioni u zhvillua në bashkëpunim të ngushtë me Rojet Bregdetare të Greqisë dhe Turqisë, dhe përfundoi pa asnjë incident.
Ky është operacioni i katërt SAR i kryer nga Forca Detare shqiptare në Egje gjatë vitit 2025 me 111 jetë të shpëtuara.
Të gatshëm përherë’, shkruan ministri i Mbrojtjes Pirro Vengu.
