Është mbajtur sot seanca e radhës e gjyqit për Liridona Ademajn, ku Prokuroria Themelore në Prishtinë ka kërkuar burgim të përjetshëm për Naim Murselin dhe të akuzuarit e tjerë në rastin për vrasjen e Liridona Ademajt.
Prokurorja Javorka Perlinqeviq gjatë fjalës së saj, tha se Murseli, bashkëshorti i Ademajt, ka vepruar për përfitim financiar dhe moral, duke e simuluar një grabitje në të cilën viktima është trajtuar si “dëm kolateral”, teksa sipas aktakuzës, ai ka marrë pjesë në organizimin dhe planifikimin e vrasjes.
Liridona Ademj u vra në nëntor të vitit 2023.
Murseli akuzohet për planifikimin e vrasjes, Granit Plava akuzohet se e ka kryer vrasjen, ndërsa Kushtrim Kokalla akuzohet se e ka lidhur vrasësin me Murselin.
Gjatë fjalës së Prokurores, ajo ka sjellë edhe deklarime që lidhen me fëmijët e viktimës, të dhëna gjatë një vizite të njërit prej djemve në Suedi, në prani të psikologes. Sipas prokurores, djali i madh ka deklaruar, “Hajni i futi dorën dhe i bëri mamasë bam”.
Prokuroria Themelore e Prishtinës ka kërkuar burgim të përjetshëm për Naim Murselin, Granit Plavën dhe Kushtrim Kokallën, të akuzuar për vrasjen e Liridona Ademaj.
Në gjyqin për vrasjen e Liridona Ademajt, ka rrëfyer edhe vëllai i saj, Leonardi. Ai u shpreh se këtë vrasje e ka organizuar Naim Murseli me Kushtrim Kokallën, duke e gjetur Granit Plavën si vrasës.
Prokuroria e Prishtinës ka kërkuar dënim maksimal, burgim të përjetshëm për Naim Murselin dhe të akuzuarit e tjerë në rastin e vrasjes së Liridona Ademajt.
Prokuroria Themelore e Prishtinës ka kërkuar burgim të përjetshëm për Naim Murselin, Granit Plavën dhe Kushtrim Kokallën, të akuzuar për vrasjen e Liridona Ademaj.
Më datë 21 prill në orën 13:30, caktohet seanca e shpalljes së vendimit për të akuzuarit për vrasjen e Liridona Ademaj.
