Rodri ka refuzuar mundësinë për t’u transferuar te PSG, pavarësisht interesimit të fortë të klubit francez.
Drejtuesit parizienë kanë kontaktuar mesfushorin për t’i prezantuar projektin e tyre, por përgjigjja e tij ka qenë e prerë: “Jo, faleminderit”.
Kapiteni i Spanjës nuk ka dashur të dëgjojë as kushtet e ofertës, pasi aktualisht po shqyrton alternativa të tjera për të ardhmen. Rikthimi në La Liga mbetet një mundësi konkrete, ndërsa nuk përjashtohet as vazhdimi te Manchester City, nëse arrihet marrëveshja e duhur.
Rodri ka edhe një vit kontratë me klubin anglez dhe ka refuzuar deri tani dy propozime për rinovim. Pas paraqitjeve të shkëlqyera në Kupën e Botës, 30-vjeçari dëshiron ta zgjedhë me kujdes projektin e ardhshëm.
Një gjë tashmë duket e sigurt: e ardhmja e tij nuk do të jetë në Paris.
