Declan Rice ka ngritur shqetësime te Anglia pas barazimit 0-0 ndaj Ganës në Kupën e Botës. Mesfushori i Arsenalit luajti për 90 minuta, por pas ndeshjes u largua nga Gillette Stadium duke çaluar dhe me një fashë kompresive në pulpë.
Rice është një nga lojtarët më të rëndësishëm për “Tre Luanët” dhe gjendja e tij fizike po ndiqet me kujdes. Ai ka zhvilluar një sezon shumë të ngarkuar, me 55 ndeshje për Arsenalin dhe 63 në total, duke përfshirë edhe paraqitjet me kombëtaren angleze.
Sipas The Telegraph, mesfushori ka pasur probleme me dhimbje në pjesën e pasme të kofshës, arsye pse Thomas Tuchel e kishte zëvendësuar në ndeshjen e parë ndaj Kroacisë për ta mbrojtur fizikisht.
Pavarësisht shqetësimeve, Rice mbetet vendimtar për Anglinë. Deri tani, ai ka krijuar më shumë raste se çdo lojtar tjetër në Botëror, ndërsa vetëm ndaj Ganës krijoi gjashtë mundësi për shokët e skuadrës.
Anglia kryeson grupin së bashku me Ganën me nga katër pikë dhe do të luajë për vendin e parë ndaj Panamasë. Kjo ndeshje mund të jetë mundësi që Tuchel t’i japë pushim Rice, me Henderson ose Mainoo si alternativa në mesfushë.
