Kryeministri Edi Rama, njëkohësisht kryetari i PS-së, shpalos sot programin e Partisë Socialiste për Shqipërinë 2030 me të cilën do të kërkojë dhe votën e shqiptarëve në zgjedhjet e11 majit.
Rama ftoi shqiptarët të votojnë PS-në më 11 maj dhe jep arsyen.
“Më 11 maj shqiptarët duhet të na japin mandatin dhe të japin një mesazh të fortë Brukselit duke votuar masivishit për anëtarësimin e BE-së. Një pasaportë, treg i përbashkët, hapësirë bashkëjetese, barazi para ligjit….”
Integrimi në BE brenda 2030 për ti dhënë shqiptarëve pasaportën e Bashkimit Europian mbetet prioritet i PS-së në këtë fushatë elektorale.
“Çdo vit ngritëm lart e më lart emrin e Shqipërisë. Kemi mundësi reale për të hyrë tani në BE. Jo vetëm duam ne, por dhe BE duan të na marrim. Po negociojmë me vrull për të mbyllur në një hark kohor të shpejtë. Kemi shansin historik t’i mbyllim negociatat në 2027 dhe s’duhet të humbim asnjë minut kohë prandaj duhet të çojmë një mesazh historik më 11 maj” tha Rama.
Rama tregoi të mirat që sjell pasaporta e BE-së për shqiptarët.
“Me pasaportën e BE-së Europa bëhet e vogël sa Shqipëria dhe Shqipëria e madhe sa Europa… Bëhet më e lirë mundësia për tu punësuar dhe në shtete të tjera jashtë BE-së, dhe do të përfitojnë kartën sociale si cdo qytetar i BE-së dhe të drejtat individuale…”
Programi i PS-së “Shqipëria 2030” synon të japë një perspektivë reale me një program qeverisës të ndërtuar mbi strategji të mirëpërcaktuara, për çdo fushë.
Kryeministri Edi Rama kërkon një mandat më të fortë më 11 maj, duke thënë se vetëm PS mund t’iu japë Shqiptarëve pasaportën e BE.
“Po negociojmë me një vrrull të jashtëzakonshëm për të mbyllyr në një har kohe rekord absolut, duhe tia tregojmë njerëzve tua vëmë realitetin para syve. Mali I Zi I ka nisur ne 2012 kur ne nuk ishim akoma kandidat, Serbia në 2014, Ndërsa Maqedonia e ka marrë statusin ne 2005 dhe ende nuk ka nisur negociatat. Kemi shansin historik t’i mbyllim për 3 vjet, po nuk duhet të humbasim asnjë minut.
T’i cojmë një mesazh BE duam pasaportën e BE për Shqipërinë dhe shqiptarët. Është një ambicie që deri pak vite më parë do dukej cmenduri. Ne vërtetë nuk kemi viza për të lëvizur në Europë, por nuk kemi as të drejtë për të ndaluar në një vend të BE, ndaj na marrin në pyetje kur arrijmë në kufijtë e BE, që kthen pasaportën parë e mbrapsht dhe nisin pyetjet ku po shkon, sa do rrish sa para ke me vete, dhe kur do ikësh. Është një histori që mund të vazhdojë gjatë nëse ne bashkë nuk e mbyllim sëbashku duke i vënë kapak.
Për t’iu dhënë pasaportën e BE na duhet një mandat i fortë. Kush e do pasaportën e be duhet të japë kontribut që Shqipëria të futet në BE dhe kontributi për Shqipërinë në BE është investimi i votës aty në qendër të fletës së votimit ku është numri 5 dhe ku shkruan PS dhe Edi Rama. Askush tjetër, këtë duhet ta bëjmë të qartë, nuk i pajis dot shqiptarët me pasaportën e BE brenda kësaj dekade. Çdo luhatje, çdo konfuzin e bën afatin e 2027 të digjet. Janë edhe reformat për tu thelluar dhe s’mund t’i thellojë dot askush tjetër veç nesh”, tha Rama.
