Avokatja Adriana Kalaja në një dalje televizive bëri disa deklarata të forta, duke thënë se kryeministri Edi Rama, i ka kërkuar Erion Veliajt dorëheqjen, por ky i fundit nuk ka pranuar.
Sipas Kalasë, kjo ofertë e Ramës ka qenë me qëllim që veliaj të mbyllë hesapet me drejtësinë më lehtë. Ajo thotë se Veliaj nesër do të shkojë në SPAK dhe herët ose vonë do të arrestohet!
“Nesër Erion Veliaj do shkojë të japë deklaratë në SPAK. E siguroj Veliajn dhe njerëzit brenda SPAK-ut që vazhdojnë punojnë për Veliajn, që kërkojnë të mbyllin dosjen, ta harrojnë, sepse edhe nëse këto dosje të mbyllen në kundërshtim me ligjin, ne do bëjmë të pamundur që Shkalla e Parë t’i kthejë dosjet.
Duhet të ishte arrestuar Veliaj, por nëse bëjmë një retrospektivë të situatës në SPAK, edhe ky hetim po bëhet me regji.
Sipas informacioneve jo zyrtare di që Rama i ka kërkuar dorëheqjen, që të mbyllet lehtësisht, dhe Veliaj s’e ka pranuar. Arrestimi i Veliajt do ndodhë se s’ben, s’ka arsye pse mos ndodhë, sepse janë qindra miliona euro të pastruara.
Kanë ardhur edhe letër-porosi nga Italia, Malta dhe Qipro, qoftë transaksione bankare, por edhe kompani offshore.
Familjarët e Veliajt akuzohen për korrupsion, për pastrim të produktit të veprave penale dhe për ushtrim të ndikimit të paligjshëm. Unë mendoj që akuzat ndaj Veliajt janë të vërtetuara.”, u shpreh Kalaja në “MCN Informacion”.
Ajo i kërkoi kryebashkiakut të Tiranës të bëhet bashkëpunëtor i drejtësisë, në mënyrë që të lehtësojë pozitën ku ndodhet!
