Blue Origin, kompania hapësinore e Jeff Bezos, anuloi një lançim të planifikuar për raketën e saj New Glenn për shkak të kushteve të pafavorshme atmosferike.
Lançimi është shtyrë për të mërkurën, ndërkohë që kompania ka lajmëruar në platformën X për shtyrjen. Arsyeja kryesore ishte “rregulli i reve kumulus,” i cili nuk lejon lansimin e raketave përmes reve që përmbajnë fusha elektrike të rrezikshme.
Për të siguruar një dritare të re lëshimi, Blue Origin bashkëpunoi me Administratën Federale të Aviacionit të SHBA-së (FAA). Ky bashkëpunim mundësoi shmangien e ndalimit për lançimin e raketave komerciale, të shkaktuar nga greva e qeverisë amerikane.
Lançimi “NG-2” nga Stacioni i Forcave Hapësinore Cape Canaveral në Florida shënon misionin e dytë të New Glenn dhe fluturimin e tij të parë komercial.
Raketa do të dërgojë në Mars dy satelitë identikë si pjesë e misionit ESCAPADE të NASA-s. Satelitët do të orbitojnë për të matur dinamizmat e fushës magnetike dhe atmosferës së planetit të kuq.
Përveç misionit me NASA-n, New Glenn do të transportojë teknologjinë Viasat për Projektin e Shërbimeve të Komunikacionit të NASA-s.
Me një gjatësi mbi 98 metra, New Glenn është një nga raketat më të mëdha të ndërtuara ndonjëherë, me kapacitet të transportimit të ngarkesave deri në 45 tonë metrikë në orbitën e ulët të Tokës.
Një nga karakteristikat kryesore të New Glenn është ripërdorimi i saj. Faza e parë e raketës është projektuar për të realizuar të paktën 25 fluturime, por Blue Origin ende po përpiqet të vërtetojë ripërdorueshmërinë në praktikë.
Në fluturimin e saj të parë më 16 janar, faza e sipërme arriti orbitën, por booster-i u humb para se të mund të kthehej.
Kompania shpreson që në këtë fluturim të dytë të arrijë të landojë booster-in për herë të parë, duke u pozicionuar si një konkurrencë e denjë për SpaceX-in e Elon Musk.
