Tifozat Kuq e Zi kanë pasur reagime të ashpëra kundër FSHF-së sa i përket shpërndarjes së biletave për ndeshjet e Kombëtares së Futbollit në takimet e ardhshme që vlejnë për eliminatoret e botërorit.
TKZ pas 21 vitesh është lënë jashtë nga federata dhe nuk njihen më si tifogrup.
Anëtari i Tifozave Kuq e Zi, Frensi Kullolli në një deklaratë për A2CNN është shprehur se kjo ka ardhur pasi TKZ është kundër organizimit të Euro2027 për U-21 me Serbinë.
Kullolli: Ajo që kërkojnë ne nga federata është të vazhdohet siç kemi qenë më përpara që të marrim numrin e biletave të caktuara dhe të vazhdojmë siç kemi vazhduar këtu e 21 vite.
A ka pasur situata të tjera të ngjashme?!
Nuk ka pasur të kësaj natyre, thjeshtë ka pasur reduktim të biletave. Dikur kërkonim 2000 bileta dhe kërkesa plotësohej më pas kishim reduktim por kurr nuk e mendonim që federata nuk do të ja jepte asnjë biletë për grupim e Tifozave Kuq e Zi.
Nëse federata kërkon që ju të ndaloni protestat sa i takon zhvillimit të Euro2027 në bashkëpunim me Serbinë në këmbim të biletave ju a do të pranoni?
Kullolli: Jo, kjo nuk ka për të ndodhur kurrë. Ne si TKZ nuk na intereson futbolli, ata e kanë biznes, për ne nuk është ashtu, është pasion, dashuri mbështetja për kombëtaren dhe gjëja më e bukur është se ne mblidhemi nga të gjitha trojet në atë tribunë.
Ne do të vazhdojmë kundërshtimin e kampionatit europian me Serbinë dhe urojmë që kjo mos të realizohet. Kjo është një tradhëti për të gjithë shqiptarët./Ariglon Pali/
