Prokurorja e SPAK, Doloreza Musabelliu ka zbuluar skemë e pastrimit të parave nga grupet kriminale në Shqipëri.
Në një intervistë për ‘Kallxo Përnime’, Musabelliu ka treguar detaje për ‘luftën’ kundër pastrimit të parave, ku shprehet se të ardhurat që burojnë nga aktivitet kriminale investohen më së shumti në sektorin e ndërtimit dhe së fundmi edhe në tregun e kriptovalutave
“Hetimet e Prokurorisë së Posaçme kanë treguar që një pjesë e konsiderueshme e të ardhurave që burojnë nga aktivitet kriminale të paligjshme janë investuar ose injektuar në sektorin e ndërtimit, në biznese të ndryshme, në subjekte tregtare, në llogari bankare të subjekteve tregtare ose të personave të tretë, të afërm të personave të dyshuar dhe së fundmi është konstatuar përdorimi i tregjeve të kriptovalutave me qëllim pastrimin e produkteve të veprës penale. Shumica e këtyre parave vijnë nga trafiku i drogës, nga korrupsioni nga kontrabandimi i njerëzve nga krimet kibernetike, është një gamë e gjerë e veprave panel që gjenerojnë para të cilat pastaj pastrohen. Në vitet 2022-2024, ne kemi një katërfishim të sekuestrimit të subjekteve tregtare. Nëse në 2010 kishim katër dhjetë subjekte tregtare të sekuestruara në 2024 ne kemi 44 subjekte”, u shpreh Musabelliu.
Gjithashtu prokurorja e SPAK-ut ka treguar nga vijnë paratë që shfrytëzohen pastaj për pastrimin e tyre.
Sipas saj, në vitet e fundit është rritur numri i sekuestrimit të pasurive që dyshohet e janë zhvilluar nga pastrimi i parave.
Musabelliu shprehet se shumica e këtyre parave vijnë nga trafiku i drogës dhe korrupsioni. Prokurorja ka shtuar se hetimet kanë gjetur rreth 16 grupe kriminale të cilat i pastrojnë brenda dhe jashtë Shqipërisë dhe gjatë 5 viteve vlera totale e pasurive të sekuestruara dhe konfiskuara kapi shifrën e 182 milionë euro
“Shumica e këtyre parave vijnë nga trafiku i drogës, nga korrupsioni nga kontrabandimi i njerëzve nga krimet kibernetike, është një gamë e gjerë e veprave panel që gjenerojnë para të cilat pastaj pastrohen. Për një periudhë pesë-vjeçare, nga statistikat tona, vlera totale e pasurive të sekuestruara dhe konfiskuara kapë shifrën e 182 milionë euro”, theksoi Doloreza Musabelliu.
