Policia e Tiranës ka finalizuar operacionin antidrogë të koduar “Implikimi”, duke sekuestruar një sasi të konsiderueshme lëndësh narkotike dhe duke arrestuar një person të dyshuar për shpërndarje droge.
Në pranga ka rënë shtetasi Erald Tafani, 35 vjeç, banues në Tiranë, i cili u kap në afërsi të një njësie pushimi në fshatin Bërzhitë, me lëndë narkotike me vete, të dyshuara se do të shiteshin.
Gjatë kontrollit fizik dhe në banesë, policia sekuestroi 833 gramë lëndë të dyshuar narkotike kokainë, 576 gramë cannabis sativa, 930 euro të dyshuara të përfituara nga shitja e lëndëve narkotike, si dhe automjetin e tij.
Sipas hetimeve paraprake, dyshohet se 35-vjeçari i kishte siguruar lëndët narkotike me qëllim shitjen në sasi të konsiderueshme, kryesisht në zonën e Bërzhitës dhe në Qytet Studenti.
Materialet procedurale iu referuan Prokurorisë së Tiranës për veprime të mëtejshme.
