Dy trupa të pajetë janë gjetur ditën e djeshme në Durrës. Sipas uniformat blu, një 82-vjeçar u gjet i pajetë në sipërfaqen e tokës në pronësi të tij, në fshatin Kalush. Paraprakisht, dyshohet se ky shtetas e ka humbur jetën prej shkaqeve natyrale.
Ndërsa, një 62-vjeçar është gjetur i pajetë në banesën e tij, ndërsa dyshohet se shkaqet janë natyrale.
“U gjet në sipërfaqen e tokës në pronësi të tij, në fshatin Kalush, trupi i pajetë i shtetasit H. B., 82 vjeç. Nga këqyrja paraprake e trupit nuk janë konstatuar shenja dhune. Paraprakisht, dyshohet se ky shtetas e ka humbur jetën prej shkaqeve natyrale;
U gjet në banesën e tij, në lagjen nr. 13, trupi i pajetë i shtetasit B. M., 62 vjeç. Nga këqyrja paraprake e trupit nuk janë konstatuar shenja dhune. Paraprakisht, dyshohet se ky shtetas e ka humbur jetën prej shkaqeve natyrale”– thuhet në njoftimin e policisë.
